Xavier

Ich zal mich ens effe veursjtèlle,

Miene naam is Xavier De Bruijn, Ich bèn gebaore op 6 mei 1975. Ich bèn getrouwd mit ut sjoonste en leefste maedje van de klas, Naomi. Veer höbbe 2 kènjer en ozze hondj Nitro. Ozze zoon Finn van 12 en os dochter Liv van 7. Dat is auch meer dan genog, want dao höbbe veer os henj al vol aan. Genog momente om te lache mit 2 van die batraeve. Maar auch toes motte veer soms toneel sjpeele om alles aan ut werk te kriege.

Ich sjpeel sinds 2010 bie Blitz. Daoveur höb ich al sinds klein kèndj op de planke gesjtange. Toneelsjtökjes, revues, kerstsjtökke en num maar op.

In mien dacheliks laeve sjtaon ich veur de klas op de Parksjool in Lömmerich. Ein ZMLK sjool. Dit wirk doon ich al 18 jaor mit heel veul plezeer. Ut is soms flink aanpaote, maar dao krigs doe dan auch weer veul veur truuk.

Op de planke veul ich mich helemaol toes. Ich geneet d’r van es de luuj ens good kènne lache. Want dao krieg ich allein maar meer energie van. Veer höbbe auch es sjpelers eine gooie bandj mit ein. Of ze noet mit sjpeels of ein jaor euver sjleis. Zowaal tiedes de repetities es bie ut echte werk kènne weer good lache mit ein

Sinds ein paar jaor bèn ich veurzitter van Blitz. Ein club die al jaore gooi sjtökke op de planke brunk. Ich doon dan auch saame mit de rest mien uuterste best om de club gezondj te hauwte en eder jaor weer alles in gooi bane te leide.

Daorom zou ich ut ach leuk vènje es geer auch ens nao os komt kieke, om ens eine gooie aovend te kènne lache.